ഭരണമേ നീ കേൾക്കുക
ശിക്ഷണം കൊടുക്കാതെ
നീ വളർത്തിയ ലഹരിയിന്നു
ദുരന്തമായ് മാറിയെന്നോ
ചരിത്രം തിരുത്തിയ ചിത്രകാരൻ
ലഹരിയിൽ ലയിച്ചപ്പോൾ
ചിത്രം വിചിത്രമായി മാറി
വക്ര വിവർത്തനങ്ങളായെന്നോ
മാറുന്ന ഭരണവും പാർട്ടിയും
നിനക്കായ് തിന്മയെ വരിച്ചുവോ
ലഹരിതൻ ലാസ്യങ്ങൾ രതി
സുഖ സൂത്രങ്ങളായി മാറ്റിയോ
ചതിച്ചുവോ നിന്റെ ചൂണ്ടുവിരൽ
മഷി തേച്ച മനുഷ്യനാം വോട്ടറെ
വിലയുള്ള വോദാന്തം വേറിട്ട
വഴിത്താരകൾ തീർക്കുന്നുവോ
ഭരണമേ നീ കണ്ടുകൊൾക
ഭാരിച്ച മാരണമല്ലിത് മറിച്ച്
മനുഷ്യന്റെ മരണം സംഗീതമാക്കും
സുരപാനിയുടെ നരകസുഖം
മദ്യശാലകൾ പൂട്ടുന്ന ഭരണമേ
മിഥ്യാധാരണ വെടിഞ്ഞ്
കൊട്ടിയടയ്ക്കുവിൻ കാടത്തം
വിതച്ച വിനാശമാം മദ്യപിശാചിനെ
വാനത്തിൽ വർണ്ണം
വിരിക്കും മാരിവില്ലുപോൽ
ദുരിത മരണം വിതയ്ക്കും
സുന്ദര വിനശകനാം സ്വത്ത്വം
വർണ്ണ പൊതികൾ നൈമിഷിക
ലഹരി രുചിക്കുമ്പോൾ
ഒരു കോടിമുണ്ടിനാൽ പൊതിഞ്ഞ്
മരണം രുചിച്ചു നോക്കുന്നു മനുഷ്യർ
