നോട്ട്

പരക്കം പായുന്നു മാനുഷ്യൻ
നോട്ടിനു വേണ്ടി നാണമില്ലാതെ
നോട്ടം പിഴയ്ക്കുന്ന നാട്ടിലൂടെ
നാണം മറയ്ക്കാതെ ഓടിടുന്നു

ആയിരം പോയി രണ്ടായിരം വന്നൂ അഞ്ഞൂറ് പിന്നെ പിണങ്ങി  നിന്നൂ
പത്തിന് നൂറിന്റെ വില നൂറിന്
എന്റെയ്യമ്മോ എന്തു വില

ബാങ്കിലും കാശില്ല കുറുപ്പിന്റെ
ബാഗിലും ഒരു ചില്ലി കാശില്ല
മോദിതൻ മോഹം നടന്നൂ
രാജ്യത്തിൽ ജയാരവം നിലച്ചൂ

വലിയ നോട്ടുകൾ തീണ്ടാത്ത
പള്ളിയങ്കണ ഭണ്ടാരങ്ങൾ
ഈ ചെറു ഭ്രാന്തുകൊണ്ട്
ജനം കുത്തിനിറച്ചു പച്ച ഗാന്ധി