അഖിലൻ കവിതകൾ

ദൈവം പ്രണയ ഉടമസ്ഥനാണ്

പ്രണയവും ലഹരിയും
ഒന്നായി തീർന്നപ്പോൾ
പെണ്ണ് വെറും മാംസവും 
ആണ് വെറും വിത്തുകാളയും

പ്രണയം താലിയിൽ
ഊരാക്കുടുക്ക് മെനയുമ്പോൾ
ജാതിയും തോഴരും
മറുകുടുക്കു തിരയുന്നു

കഥ പഴംകഥ
ഇതു സ്നേഹം തളർത്തിയ
രമണന്റെ കടംകഥ
ചന്ദ്രിക ചമച്ച ചെറുകഥ

കടലിലെ കപ്പലിൽ
തിരമാല കണക്കേ പ്രണയിച്ചോർ
കടൽ കഷ്ണമാക്കിയ
കപ്പലിന്റെ അടിത്തടിലമർന്നൂ

മഹാത്ഭുതം കണക്കേ
കൊട്ടാരം പണിതരാജൻ
റാഞ്ചിയെ സ്നേഹിച്ചിവോ
പ്രണയം നടിച്ചു മരിച്ചുവോ

ആദ്യം വാക്കുകൾ കൈമാറി
പിന്നെ കണ്ണുകൾ കഥ പറഞ്ഞു
മരതണൽ ഒരു മറത്തുണിയായി
ലാസ്യരതിതൻ കോമരങ്ങളായി

പിറന്ന ദിനം പാടി
മധുരം നുണഞ്ഞൊരു കമിതാക്കൾ
മധുരകരമീ ജീവിതം
മരണ ദിനമടുത്തൂ

നാടിന്റെ സംസ്ക്കാരം തകർത്തൂ
കൗമാരം ശാപചാപല്യങ്ങൾ നിറഞ്ഞു
സൃഷ്ടിതൻ പരിവർത്തനം
ദൈവമെന്ന സ്നേഹം മറന്നൂ

ദൈവം സ്നേഹമാണ്
പ്രണയം സ്നേഹമാണ്
ദൈവം പ്രണയ ഉടമസ്ഥനാണ്
ദൈവത്തെ കാര്യസ്ഥനാക്കരുത് ...

..........അഖിലൻ...............