യസീദിയിൽ നിന്ന് നാദിയയിലേക്ക്

ലോക സ്ത്രീത്ത്വതിൻ
അഭിമാനത്തിന്കിട്ടിയ
നോബൽ സമ്മാനം നാദിയ.
സ്ത്രീയുടെ നാളേയ്ക്ക് വേണ്ടി നാദിയ
തള്ളിതുറന്ന വാതിലാണ് നോബേൽ.
യുദ്ധം സമ്മാനിച്ച അനാഥത്വവും
യുദ്ധവെറി പൂണ്ട തീവ്രവാദവും
തല്ലിയുണർത്തിയ കാമരസഭ്രാന്തും
യുദ്ധനീതിതൻ കാവലാളൻ
അടിമപണം കൊടുത്തുവാങ്ങിയ
ഒരു യസീദിപെണ്ണ് ഞാൻ നാദിയ.
ലോക തീവ്രവാദത്തിന്റെ ചിറകിലേറി
പുണ്യ പ്രവാചകന്റെ പേരിൽ
വ്യാജ വിശുദ്ധയുദ്ധം നടത്തും
തീവ്രവാദ ശിഖണ്ഡികൾ.
താടിവെച്ച് തോക്കേന്തി നാടുനീളെ
അക്രമം വിതച്ച് നരനെ വധിച്ച്
നാരിയെ അടിമയാക്കും കാപാലികർ. 

ജാലക പഴുതിലൂടെ പുതുലോകം
തേടിയോളെൻ നാദിയ വീണ്ടും
പാറാവ് ശിങ്കിടികൾ തൻ കൈയിലെ
വെറും തുറന്ന വേശ്യയായി പുലർന്നു
മരണത്തിന്റെ മാന്ത്രിക വിരലുകൾ
അവളെ സ്പർശിക്കാൻ മടിച്ചൂ
മൂന്നാം നാൾ ഉയർത്തെഴുന്നേൽപിൻ
സ്വപനം അവൾ മുന്നിൽ കണ്ടു
സഹിച്ചു സകല കാമപേകൂത്തും
ഒരുനാൾ ആ നീലാകാശം
അവൾക്ക് മുന്നിൽ സ്വാതന്ത്ര്യത്തിൽ
വാതിൽ തള്ളി തുറക്കാൻ അവസരമേകി
ചവിട്ടി പൊളിച്ചു പുറത്തു വന്നു
യസീദി പെണ്ണവൾ നാദിയ.
ജീവിതം വീണ്ടും സമര ചിറകിലേറി
യസീദി പെണുങ്ങൾക്ക് ജീവനേകാൻ
തന്നുടെ കഥ ലോകത്തിന്റെ മുന്നിൽ
വീറോടെ തുറന്നു കാട്ടി നാദിയ
ഒരു പാട് ജാലകങ്ങളും നീലാകാശവും
കാമ വെറിപൂണ്ട് അടഞ്ഞു പോയ
ഒരായിരം വാതിലകവും അവൾ തുറന്നൂ
ഇത് യസീദി പെണ്ണായ നാദിയായുടെ കഥ
നോബലിൻ സമ്മാനം യസീദിപെണങ്ങൾക്ക്
ജീവിതം കെടുത്ത യഥാർത്ഥ കഥ.

വായന

വയറു വലുതാക്കാൻ
ചെറു പയറു വേണം
ചെറുപയറു വലുതാക്കാൻ
പലകുറി ജലകണം വിതരണം
കടലു വിറ്റു ഉപ്പു വാരി ചെമ്പിലിട്ടു
പറയു വെന്തു വയറു വീർത്തു

കടലു തീർന്നു കടല തീർന്നു
പകലു മുഴുവൻ വെയിലുച്ചോന്നു
മേഘമിന്നു കാർമേഘമായി
മഴ മാത്രം കടലു കണ്ടില്ല

വായനയെന്നൊരു ഗദ്ധ്യപുരാണം
ആനയതിലൊരു ചെറുകഥ
കൊമ്പുകുലുക്കി ചീറിപായും
കൊല കൊമ്പൻ വായന

വേൾഡ് കപ്പ്

വേൾഡ് കപ്പ് 


ഒരു പന്തും കുറേ നാടും
ഒരു വലിയ പച്ചപ്പിൻറെ
മൈതാന ആരവങ്ങളിലൂടെ
പാഞ്ഞു വലയത്തിലാകുന്ന
ഒരു ചെറു ഭ്രാന്തൻ കളി

ഒരു പന്തിനായി  ഒരു കൂട്ടം
ആളുകൾ ഓടിയിട്ടും
കോടികൾ മുടക്കിയിട്ടും
ഈ പന്തിനു വലുപ്പമോ
എണ്ണമോ കൂട്ടിയിട്ടില്ല

പീപ്പി ഊതി ആശാനും
കൈകൊണ്ടു തൊട്ടാൽ
ഹാൻഡ് .പിന്നെ കൈകൊണ്ട്
തൊട്ടാൽ ഹാൻഡ് അല്ലേ
അല്ലാതെ ലെഗ് അല്ലലോ

ഇനി കഷ്ട്ടപെട്ടു ഈ പന്ത്
വെട്ടിച്ചു കഷ്ട്ടിച്ചു
മറുവശത്ത് എത്തിച്ചാലോ
കൈകൊണ്ടു പിടിച്ചാൽ
ഹാൻഡ് ആവാത്ത ഗോളി

വിചിത്രം അതിപെരുക്കം
ഗാലറി എന്നൊരു ബാൽക്കണിയിൽ
ജയ് ജയ് മഞ്ഞ പട നീല പട
ആരും ജയിച്ചാലും കാശു കൊടുക്കണം
ഇവരാണ് ആരാധക കൂട്ടം

കോടി പാറി ചെവി മൂളി
ഓരിയിട്ടു അലറി പൊളിച്ച്
രണ്ടു ദിക്കിലും പെരുമ്പറ
മുഴക്കും ഇവർ ഔദ്യോദിക
ആരാധക പ്രേമി കൂട്ടം

ഒരു കളി ഈ കൂട്ടം
മഞ്ഞപ്പടയായിരുനെങ്കിൽ
മറു ദിനം നീലപ്പടയായി മാറി
കളിക്ക് വേണ്ടി കോടികൾ മുടക്കി
കിട്ടുന്ന കപ്പ് പന്തിനോളം

സൈക്കിളിൻറെ പേരിൽ കിക്
കാളിക്കാരന്റെ പേരിൽ കിക്
ഞാൻ സ്വയം അടിച്ചാൽ
അത് വെറും സെൽഫി ഗോൾ
ആശാൻ പീപ്പി ഊതും

പച്ച പുതച്ച മൈതാനത്തിനു
കുറുകേ ഒരു വെള്ള വരയുണ്ടേ
എങ്കിലും അതിൽ ചവിട്ടിയാൽ
പീപ്പി ഊതാത്ത ആശാൻ
കളിയുടെ റഫറി

ഇടികിട്ടിയ പന്ത്
വലയിൽ വീണാൽ
ഒരു കൂട്ടർ കരയും
മറു കൂട്ടം ചിരിക്കും
പന്ത് പിന്നെയും ഇടി മേടിക്കും

മൂലയിൽ നിന്നും കോർണർ
പോസ്റ്റിൽ നിന്നും ഔട്ട് കിക്
സെന്ററിൽ നിന്നും ഗോൾ കിക്
സൈഡിൽ നിന്നും മാത്രം
കിക്ക് മാറ്റി ഒരേറ്.. ത്രോ.

അയ്യോ  സമയമായീ
എന്തൊക്കെ പറഞ്ഞാലും
ഈ ഭ്രാന്തൻ കളി
ഒന്ന് കണ്ടിട്ടെന്നെ കാര്യം
സോക്കർ രാജാവേ മിന്നിച്ചേക്കണേ ...

വനിതാ ദിനം

വനിത വരാനിരിക്കുന്ന
വാനിൽ മിന്നും താരകം
സൂര്യപുത്രിയായ് സൂക്ഷമം
കാത്തിടുന്ന കാവലാൾ

കരുണതൻ പിറക്കുവേണ്ടി
വയറ്റിൽ പുതു ജീവനെ
നിധി പോൽ കാത്തവൾ
ഇവളാണ് കരുണാവാരിധി

കടം കൊള്ളുവാൻ തൻ
മാംഗല്യ പൊൻ  താലി
കച്ചവടക്കാരനു മുന്നിൽ
കരയാതെ പണയംവച്ചവൾ

മാതാപിതാകൾ തൻ
നെടുവീർപ്പിന്റെ കാരണം
കാമുകനു വേണ്ടി കരയെ
തള്ളി പറഞ്ഞവൾ

വസ്ത്രത്തിനുള്ളിൽ ഉരുകി
വിവസ്ത്രയായവൾ
മാറ്റത്തിനും മാനത്തിനും
വേണ്ടി മൃതിയടഞ്ഞവൾ

കാലം അമ്മയെന്നും
പെങ്ങളെന്നും വിളിച്ച്
അടുക്കള ചുമരിനുള്ളിൽ
അടിമത്വം വാങ്ങിയോൾ

ഇവളെന്റെ സ്വന്തമല്ല
നാടിന്റെ തുറിച്ചു നോട്ടം
കൂരമ്പ് കണക്കേ
മാറിൽ ഏറ്റുവാങ്ങിയോൾ

പെണേ നിന്നോടു മാപ്പു
ചോദിക്കുന്നു ഞാൻ
മാനം കവർന്ന കാട്ടാളനും
അതു വിറ്റ വാർത്തക്കും വേണ്ടി
...........അഖിലൻ...........

വിശപ്പ്

വിശപ്പ് 


ആദിവാസിക്ക് സർക്കാരുമായുള്ള
അവിഹിതത്തിൽ റേഷൻ എന്ന
അനന്തരാവകാശി ഉണ്ടായി
റേഷനു വേണ്ടി കോടികൾ
വകമാറ്റി സ്വത്ത് എഴുതി
എല്ലാം സർക്കാരിന്റെ മരണശേഷം
അന്തരാവകാശികൾക്കു ലഭിക്കും
ആദിവാസിയുടെ ഊരുമൂപ്പൻ
കാളോഴിച്ചു കുടിച്ചു സമ്മദം മൂളി
കാട് കേറി നാട് വന്നു
ആദിവാസി ജാതി മാറി
സർക്കാർ വീണ്ടും നാട് നീളെ
ബന്ധം പുലർത്തി പക്ഷേ
വശപ്പുകൊണ്ടു ആദിവാസി
നാട്ടിൽ കേറി കട്ടെടുത്തു
വിശപ്പിനു നിയമവും നയവും ഇല്ലല്ലോ
നാട്ടു പാർട്ടി കെട്ടിയിട്ടു
കാട്ടു പന്നി പോൽ  തല്ലി കൊന്നു
വിശപ്പു മരിച്ചു ആദിവാസി
മറ്റൊരു സുന്ദര കാനനയാത്രപോയി
വിശപ്പേ നീ അറിയുക
ആദിവാസിക്കും സർക്കാരിനും
വേണ്ടി റേഷൻ എന്ന മകൻ
നിനക്കായി ജനിച്ചിരിക്കുന്നു....


...................അഖിലൻ.............................

ഓനെ വിശപ്പ് മോഷ്ടാവാക്കി ,മലയാളി കൊന്നു

കാട് വെട്ടി കുരുതി നടത്തി
ഓന്റെ മണ്ണിൽ ചോരപടർത്തി
ഓന്റെ കാടും പുഴയും
വെട്ടിപ്പിടിച്ച് ഊറ്റിയെടുത്ത്
മര മണിയുണ്ടാക്കി
ഓനെ പട്ടിണിക്കിട്ട്
ആശകൊടുത്ത് 
വോട്ട് നേടി
ഓന്റെ പെണ്ണിന്റെ
മാനം കവർന്ന്
ഓന്റെ കുടിലിൽ വിരുന്നുണ്ട്
ഓനെ പട്ടിണി കിടത്തി
ഓന്റെ കുടലിൽ 
തീയ് നിറച്ച്
ഓൻ നാ തീയൊന്നണക്കാൻ
ഒരു തുണ്ട് പാച്ചോറ്
ഓന്റെ പള്ളയ്ക്ക് വേണ്ടി
കട്ടപ്പോൾ
ഓനെ പിടിച്ചു കെട്ടി
കൊല കുറ്റം ചാർത്തി
കൊല്ലാകൊല ചെയ്തില്ലേ
കാട്ടിന്റെ കാടത്തം
നാടിന്റെ വീരത്തമായില്ലേ
നീയാണോ മലയാളി
നിയാണോ സാക്ഷര കേരള പുത്രൻ
ലജ്ജിക്കുന്നു നിന്നെയോർത്ത്

........... അഖിലൻ.............

പൊതു ജനം കഴുത

നാട് മുഴുവൻ ചെമ്പട്ടു
പുതക്കും മുമ്പേ
ചോര ചിന്താതെ നോക്കണം 
ത്രിവർണ്ണ പാതകയിൽ
മറു കോലം വരയ്ക്കുമ്പോൾ
രാഷ്ട്ര സീമകൾ ഓർക്കണം
കാവി വിരിക്കും മുമ്പേ
യോഗിയെ അറിയണം
ജനങൾക്ക് മേൽ പാർട്ടി
പാർട്ടിക്കുമേൽ നേതാവ്
പൊതു ജനം കഴുത

വിരലിൻ തുമ്പിൻമേൽ
അധികാരം ഇരുന്നിട്ടും
വിരൽ ചൂണ്ടാൻ പേടി
ജനാധിപത്യം മുങ്ങി മറഞ്ഞു
ചാനൽ ചർച്ച വിധി പറഞ്ഞു
കോടതി വെറുതേ കൂടി പിരിഞ്ഞു
പൊതു ജനം കഴുത

ചീറി പാഞ്ഞു മന്ത്രി സാരഥി
റോഡിൽ ജീവൻ പൊലിഞ്ഞു
ഓടിയടുത്തൂ സെൽഫി കൂട്ടം
ചാടി മറഞ്ഞൂ ചാനൽ കൂട്ടം
ഫ്ലാഷുകൾ പലതു മിന്നിമറഞ്ഞു
ആധാർകാർഡൊന്നു അസാധുവായി
പൊതു ജനം കഴുത

കഴുത ചുമക്കും ഭാരം
അടിമ ചങ്ങല പൊട്ടിച്ചെറിയാൻ
ചങ്ങല പൊട്ടി മറുതല
പാർട്ടി തൊഴുത്തിൽ കെട്ടി
വീണ്ടും വീണ്ടും സമരമുയർന്നൂ
ഇങ്കുലാബ് സിന്ദാബാ
അടിമ ചങ്ങല പൊട്ടട്ടെ
പൊതു ജനം കഴുത

മന്ത്രി പിണങ്ങി തന്ത്രി കുടുങ്ങി
അമ്പലത്തിൽ സർക്കാർ തൊഴുതു
മതേത്വരത്വം വാനിലുയർന്നു
തന്ത്രി ഇറങ്ങി മന്ത്രം തുടങ്ങി
പാർട്ടി പ്രവർത്തകർ പോകാറില്ല
അമ്പലമിതു കേറാറില്ല
നേതാക്കൾ അമ്പലപ്പുഴുക്കൾ
പൊതു ജനം കഴുത

ബാറുത്തുടങ്ങി വീറു തുടങ്ങി
മദ്യപ്പുഴ കരകവിഞ്ഞൊഴുകി
കഞ്ചാവിൻ കൊടി പാറി നടന്നു
സ്റ്റാമ്പുകൾ പലവിധ മായം ചേർന്നു
ഷാപ്പുകൾ പലവിധ മാളുകളായി
സർക്കാർ സന്ധി സ്വാർത്ഥയായി
പൊതു ജനം കഴുത

കരയുന്നു അമ്മമാർ സഖാക്കന്മാർക്കു വേണ്ടി
മരിക്കുന്നു അണികൾ പാർട്ടിക്കുവേണ്ടി
നേതാക്കൾ നേരിട്ടു നെടുവീർപ്പിടുന്നു
ഇനി ആരെ കൊല്ലും ഇനി ആര് ചാവും
രക്തസാക്ഷി മരിച്ചു നേർച്ചക്കോഴി വളർന്നു
ഇന്നാണ് ഇന്നാണ് നിൻ ബലി
പൊതു ജനം കഴുത

കടൽ വാങ്ങിയ കരച്ചിലും
ഇരുൾ വാങ്ങിയ നേരവും
അവർ വാങ്ങിയ ഭീതിയും
അമ്മ തേങ്ങിയ രാത്രിയും
ചോരവാർന്ന വീഥിയും
ഒന്ന് തന്നെ ഒന്ന് തന്നെ
ഓർക്കുക പൊതുജനമേ
പൊതു ജനം കഴുത

കുരിശു തീർത്ത മരണവും
ജലം മാറ്റിയ പാപവും
ചന്ദനം മറച്ച വൈരാഗ്യവും
ഓത്തുപള്ളിയിലെ നെടുവീർപ്പും
രക്ഷകനിലേക്കുള്ള കാത്തിരിപ്പും
ആധാർ കാർഡിലെ ജാതിയും
എന്റെ ശവം മറവു ചെയ്തില്ല
പൊതു ജനം കഴുത

കണ്ടൽ പിതാവ്

ഇതു സമര വാഗ്മി 

പ്രകൃതിയെ മാറോടണച്ച 

ഒരു നല്ല മനുഷ്യൻ 

ചെളിയിൽ ചോരയും 

കളിയിൽ കാര്യവും 

ഉണ്ടെന്നോതിയ 

ഒരു ബ്രഹ്മചാരി

വിപ്ലവ പാർട്ടിക്കു 

നഷ്ട്ടപെട്ട ഒരു സഖാവ് 

ഒരു രക്തസാക്ഷി 

ഈശോയുടെ സ്നേഹവും 

മിശിഖായുടെ അനുകമ്പയും 

കർത്താവിന്റെ കാരുണ്യവും 

ഒരുമിച്ചു കിട്ടിയ വികാരി

പക്ഷിയെ സ്നേഹിച്ചവൻ 

കക്കത്തോടിനെ പ്രണയിച്ചവൻ 

പ്രാവിന്റെ കയ്യിൽ 

സ്വർഗത്തിലേക്ക് അക്ഷരം 

കൊടുത്തയച്ചവൻ

കണ്ടലിൽ പുതു കാലത്തെ 

സ്വരുക്കൂട്ടി വരവേൽറ്റവൻ 

പൂമ്പാറ്റയിൽ മഴവില്ലുകണ്ടവൻ 

പൂക്കളിൽ ദൈവത്തെകണ്ടവർ

പാടത്തിനു നടുവിൽ 

പക്ഷിക്കൂട്ടത്തിനു

പാഥേയമൊരുക്കിയവൻ

സമര നായകൻ 

സരസപ്രകൃതൻ

വായിക്കാൻ വഴി തുറന്നവൻ 

വഴികളിൽ കൈ വീശിതളർന്നവൻ 

കുന്നിനെ കുഞ്ഞിനെ പോലെ 

സ്നേഹിച്ചവൻ

സ്നേഹനിധിയായ ജേക്കബച്ചനു പിറന്നാൾ ആശംസകൾ .

ദൈവം പ്രണയ ഉടമസ്ഥനാണ്

പ്രണയവും ലഹരിയും
ഒന്നായി തീർന്നപ്പോൾ
പെണ്ണ് വെറും മാംസവും 
ആണ് വെറും വിത്തുകാളയും

പ്രണയം താലിയിൽ
ഊരാക്കുടുക്ക് മെനയുമ്പോൾ
ജാതിയും തോഴരും
മറുകുടുക്കു തിരയുന്നു

കഥ പഴംകഥ
ഇതു സ്നേഹം തളർത്തിയ
രമണന്റെ കടംകഥ
ചന്ദ്രിക ചമച്ച ചെറുകഥ

കടലിലെ കപ്പലിൽ
തിരമാല കണക്കേ പ്രണയിച്ചോർ
കടൽ കഷ്ണമാക്കിയ
കപ്പലിന്റെ അടിത്തടിലമർന്നൂ

മഹാത്ഭുതം കണക്കേ
കൊട്ടാരം പണിതരാജൻ
റാഞ്ചിയെ സ്നേഹിച്ചിവോ
പ്രണയം നടിച്ചു മരിച്ചുവോ

ആദ്യം വാക്കുകൾ കൈമാറി
പിന്നെ കണ്ണുകൾ കഥ പറഞ്ഞു
മരതണൽ ഒരു മറത്തുണിയായി
ലാസ്യരതിതൻ കോമരങ്ങളായി

പിറന്ന ദിനം പാടി
മധുരം നുണഞ്ഞൊരു കമിതാക്കൾ
മധുരകരമീ ജീവിതം
മരണ ദിനമടുത്തൂ

നാടിന്റെ സംസ്ക്കാരം തകർത്തൂ
കൗമാരം ശാപചാപല്യങ്ങൾ നിറഞ്ഞു
സൃഷ്ടിതൻ പരിവർത്തനം
ദൈവമെന്ന സ്നേഹം മറന്നൂ

ദൈവം സ്നേഹമാണ്
പ്രണയം സ്നേഹമാണ്
ദൈവം പ്രണയ ഉടമസ്ഥനാണ്
ദൈവത്തെ കാര്യസ്ഥനാക്കരുത് ...

..........അഖിലൻ...............