തിരക്ക്

തിരക്കാണ് ഭൂവിലെന്നും തിരക്ക്
വിതക്കാരനും വിഭാര്യനും തിരക്ക്
പുത്തൻ ജോലി തേടുന്ന യുവാവിനും
ജോലിയിൽ പ്രവേശിച്ച യുവതിക്കും തിരക്ക്

അമ്മയ്ക്ക് അച്ഛനോട് തിരക്ക്
അച്ഛന് സ്വന്തം ഭാര്യയോട് തിരക്ക്
മാതാപിതാക്കൾക്ക് മക്കളോട് തിരക്ക്
മൃദുലമാം കുട്ടികൾക്ക് ഗുരുവിനോട് തിരക്ക്

വായനക്ക് പുസ്തകത്തിനോടും അതിലെ
വരികൾക്കിടയിലെ ശൂന്യതയോടും തിരക്ക്
തിരക്കാണ് തിരക്ക് തിരക്കിന്റെ മേൽ
തിരിതെളിയും ക്ഷമയ്ക്കും തിരക്ക്

തിരക്ക് എന്റെമേ ഇതെന്തൊരുതിരക്ക്
തിക്കിതിരയുന്ന പൂങ്കോഴിക്കും തിരക്ക്
ചിറകിടനടിയിലെ കുട്ടികളെ റാഞ്ചി
വിശപ്പടക്കാൻ പരുന്തിനു തിരക്ക്

വലയ്ക്കുവാനറിയാത്ത വഴികൾക്ക് തിരക്ക്
സൂചനകൾ തരുന്ന വഴിക്കാട്ടിക്കു തിരക്ക്
വേഗത്തിൽ ഓടുവാൻ ശ്രമിക്കാത്ത
കാൽവിരലുകൾക്ക് ആദ്യമെത്താൻ തിരക്ക്

പൊട്ടിയ ചരടിന്റെ പട്ടത്തിനു പറക്കാൻ തിരക്ക്
പറന്ന് പറന്ന് പറവയാകാൻ തിരക്ക്
പാഥേയം കരുതാത്ത യാചകനു തിരക്ക്
ദാനം ചെയ്യുന്ന നീതിമാനു തിരക്ക്

വഴികൾ ചേരുന്ന ചന്തയിൽ തിരക്ക്
ചന്തയിൽ ചന്തമായ് മാറുന്ന പെണ്ണിനു തിരക്ക്
ഉച്ചത്തിൽ ഉരുവിടും വിലകൾക്ക് തിരക്ക്
തിരയുന്ന സാധനസാമിഗ്രികൾക്ക് തിരക്ക്

ബലിയായ് മാറുന്ന മൃഗത്തിനു തിരക്ക്
രക്തം പൊഴിയുന്ന ചെമ്മണ്ണിനു തിരക്ക്
മാമഴയത്ത് കാർമേഘത്തിനു തിരക്ക്
സൂര്യന് അസ്തമയ ചോപ്പിൽ തിരക്ക്

രാജ്യത്തിനാക മേൽ മൊത്തം തിരക്ക്
മഹതി മഹാൻമാർക്ക് ഇതെന്തൊരു തിരക്ക്
മാറ്റങ്ങൾ വരാത്ത പാർട്ടിക്കു തിരക്ക്
രാഷ്ട്രീയ പാർട്ടി പ്രവർത്തകർക്കു തിരക്ക്

വോട്ടു ചോദിക്കും നേരം തിരക്ക്
ഫലപ്രഖ്യാപനത്തിന്റെ തിരകോട് തിരക്ക്
സത്യപ്രതിജ്ഞ തൻ സത്യമായുള്ള തിരക്ക്'
കൊടി കാറിലെ ചർച്ചകൾക്ക് തിരക്ക്

വഴിയിലെ വീതിയിൽ മൈയിൽ കുറ്റിക്ക് തിരക്ക്
നാഴിക കല്ലിന്റെ അരികത്തെ പല്ലിനു തിരക്ക്
ലക്ഷ്യം പിഴക്കാത്ത അമ്പിനു തിരക്ക്
നോട്ടം ചതിക്കാത്ത ഗുരുവിനു തിരക്ക്

സിനിമതൻ നായകനു തിരക്ക്.
നായികയ്ക്ക് തിരക്കിലേല്ലും തിരക്ക്
സിനിമാകൊട്ടകയിൽ പ്രദർശന തിരക്ക്
കാണുന്ന ജനസാഗരത്തിനു തിരക്കോടു തിരക്ക്

തിരക്കിൽ തിരയുന്ന വാർത്തകളിൽ
തിരക്കില്ലാതെ കടന്നു പോകുന്ന ജീവിതങ്ങൾ
തിരശീല മാറ്റി മരണം കയറി വരുമ്പോൾ
ഓർകുക സോദരാ മരണത്തിനു തിരക്കുണ്ട്