തറവാട്

തുറവിയുള്ളരു വീടല്ലോ തറവാട്
തനിമതൻ നിറമുള്ള നാലുകെട്ട്
നാലുപാടും പാടമുള്ള കൃഷിവീട്
മണ്ണിൻ മണമുള്ള മഞ്ഞു വീട്

നാഥനായ് മുതുമുത്തച്ചനും
കാര്യസ്ഥനായ് രാമൻ കുട്ടിയും
ഇറയത്തെ കോലാഴിയിൽ
ക്ലാവ് പിടിച്ച കിണ്ടിയും കാണാം

കാവിലേയ്ക്കുള്ള കാട്ടു വീഥിയും
കാവലായുള്ള നാഗത്താൻമാരും
നാടിന്റെ നന്മ വരച്ചുകാട്ടും
നാടിന്റെ നടുമുറ്റത്തൊരു തറവാട്

തിങ്ങി നില്ക്കും കല്പക വൃക്ഷവും
വെട്ടുകല്ലിൽ തീർത്ത തുളസി തറയും
നടുമുറ്റത്തെ താമരക്കുളവും
മഴക്കായ് കാത്തിരിക്കും മാക്രിതവളയും

ദീപം ചുമക്കുന്ന ഓടിന്റെ കരി വിളക്കും
വിളക്കിന്റെ തിരി പിരിക്കും ഒപ്പോളളും
കിണറിന്റെ വക്കത്തെ കുഞ്ഞികൊക്കും
വിരുന്ന് വിളിക്കുന്ന കരിക്കാക്കയും

കാട്ടുവളി  പടർന്ന് തകർന്ന പടി കെട്ടും
പൂവൻകോഴി കൂവുന്ന ഉമ്മറവും
ഊഞ്ഞാലു തൂങ്ങുന്ന തെക്കേമാവും
തെക്കേ തൊടിയിലെ ബലികല്ലും

കടവത്തെ തോണിയും തെങ്ങിൻ കുറ്റിയും
വഞ്ചിപുരയും തോണി പാട്ടും പാടി
തേക്കുവഞ്ചിതൻ താഴ്ന്ന പൊങ്ങും
താളത്തിലുള്ള വെള്ളം തേവി തൂകലും

ഇതൊക്കയാണെൻ തറവാട്ട്
മതാ ഭ്രാന്ത് പിടിച്ച് തകർന്ന വീട്
നാലുകെട്ട് പൊളിച്ച് നാലാളു
നാലോടെത്ത നാൽപാമരം പണിയുന്നു

തട്ടകം വളർത്തിയ തറവാട്
തനന്നം കിളി പാടിയ സ്വപ്ന വീട്
തായത്തിൽ ആടുന്ന കിളിവീട്
അമ്മയുറങ്ങാതെൻ ജന്മ വീട്