മനസ്സ് ഒരു മരീചിക
ചിന്തിക്കുന്ന ജീവിത നൗക
മനസ്സിനെ നിയന്ത്രിക്കും
മഹാ മാന്ത്രികൻ ദൈവം
മനുഷ്യനെയും ദൈവത്തെയും
കൂട്ടിച്ചേർക്കുന്നതെന്തോ അത് വിളക്ക്
വിളക്കിന്റെ വെളിച്ചം പോലെ
ജീവിതത്തിന്റെ സാക്ഷിയാം മനസ്സ്
ജനന മരണ ജന്മാന്തരങ്ങൾ
മഞ്ഞു പോലെ നിനയ്ക്കും മനസ്സ്
മഴവിൽ വർണ്ണങ്ങൾ വരിക്കുന്ന
മാനം പോലെ തെളിമയുള്ള മനസ്സ്
കാർമേഘം കണക്കെ ഇരുണ്ടു
കൂടുന്ന മാനവും മനസ്സുപോലെ
വിടരുന്ന പൂവിന്റെ നൈർമല്യവും
കൊഴിഞ്ഞതിൻ ദുഖവും താങ്ങുന്ന മനസ്സ്
കവിതയും കഥയും മനസ്സിന്റെ
കടന്നു പോക്കിന്റെ ബാക്കി
നല്ല മനസ്സിന്റെ മരണം തീവ്രവാദി
മനസ്സിന്റെ നന്മ വളർന്നാൽ സ്വർഗ്ഗം
ചിന്ത വാക്കാകുന്നു മനസ്സിൽ നിന്ന്
ചിന്തിക്കേണ്ടവ ഉരുവാകുന്നു
രോഗം ശരീരത്തിനു വന്നാൽ മാറ്റാം
മനസ്സിനു വന്നാൽ ശരീരം മാറും
മനസ്സ് ലോകം മറന്ന് സത്യം പറഞ്ഞാൽ
ഭ്രാന്തിന്റെ നീർകുമിളകൾ പൊട്ടി
എകാന്തത നോവും മനസ്സു
ഇണയില്ലാ തുണ പോലെ
No comments:
Post a Comment